اسلام آباد: وزیر اعظم نواز شریف نے بھارت کی طرف سے کنٹرول لائن اور ورکنگ باونڈری پر جارحیت کے واقعات پر سخت تشویش کا اظہار کیا ہے ۔ وزیر اعظم نواز شریف نے سیالکوٹ ورکنگ باونڈری پر بھارتی جارحیت کے باعت گیارہ پاکستانیوں کی شہادت اور 50 کے زخمی ہونے کے واقعے پر سخت تشویش اور قیمتی انسانی جانوں کے ضیاع پر دکھ اور افسوس کا اظہار کیا ہے ۔ وزیر اعظم ہاوس سے جاری بیان میں کہا گیا ہے کہ وزیر اعظم نواز شریف نے دفتر خارجہ اور وزارت دفاع کے حکام کو بھارت کی طرف سے ورکنگ باونڈری اور کنٹرول لائن کی مسلسل خلاف ورزیوں کا معاملہ اپنے بھارتی ہم منصب کے ساتھ معاملہ اٹھانے کی ہدایت بھی کی ۔
تحریر کے بارے میں اپنی رائے بھیجیں