پشاور:خیبر پختونخوا میں بدھ کو ختم ہونے والی تین روزہ پولیو مہم کے دوران 25000 سے زائد والدین نےاپنے بچوں کو پولیو قطرے پلانے سے انکار کیا۔ای پی آئی انچارج رحیم خٹک نے بتایا کہ صوبے کے 19 اضلاع میں 25800 والدین نے پولیو رضاکاروں سے تعاون کرنے سے انکار کیا۔خٹک کے مطابق، پیر کو سخت سیکیورٹی میں شروع ہونے والی اس مہم کے دوران کل 42 لاکھ بچوں کو قطرے پلائے گئے مگر گھروں پر غیر موجودگی کی وجہ سے دو لاکھ بچے پولیو ویکسین سے محروم رہے ۔رواں سال پاکستان میں اب تک پولیو کے 32 کیس سامنے آ چکے ہیں ، جن میں سے آخری دو خیبر ایجنسی میں ریکارڈ ہوئے۔
تحریر کے بارے میں اپنی رائے بھیجیں