روس کے مسلمانوں کے مرکزی بورڈ اور مفتیوں کی کونسل نے اپیل کی ھے کہ اسلام کی حفاظت کے بہانے وحشیانہ جرائم کرنے والے دھشت گردوں اور انتہا پرستوں کے خلاف کوششیں یکجا کی جائیں۔
'آج کل ھمارا فرض ھے کہ تمام مذاھب اور قومیتوں سے تعلق رکھنے والے لوگ اور تمام ممالک کے لیڈر ساتھ ملکر دھشت گردی اور انتہا پرستی کی لعنت کے خلاف سرگرم و موثر کوششیں کریں'، روس کے مفتیوں کی کونسل کے اوّل نائب سربراہ روشن عباسوو نے کہا ھے۔ انہوں نے نشاندھی کی کہ داعش اور القاعدہ جیسی دھشت گرد تنظیموں کا اسلام کی امن پسند تعلیمات سے کوئی رابطہ نہیں ھے، یہ تنظیمیں سب سے پہلے اسلام اور مسلمانوں کا مقابلہ کرنے کیلئے قائم کی گئیں۔ اپنی طرف سے روس کے مفتی اعظم طلعت تاج الدین نے بیان دیا کہ شدت پسند عناصر اسلام کی اقدار کی خاطر جد و جہد کی آڑ میں اپنا بنیادی مقصد حاصل کرنے یعنی مختلف قومیتوں اور مذاھب سے تعلق رکھنے والے لوگوں میں نفرت اور دشمنی کو پروان چڑھانے کیلئے کوشاں ھیں۔
تحریر کے بارے میں اپنی رائے بھیجیں