ان فونز میں چند حیرت انگیز فیچرز میں سے ایک آئی فون ایکس میں موجود فیس آئی ڈی فیچر ہے جو کہ فون کو صارف کے چہرے کی مدد سے ان لاک کرنے میں مدد دیتا ہے۔
ویسے تو یہ فیچر کس حد تک بہترین ہے، یہ تو آنے والا وقت بتائے گا مگر ڈبلیو ڈبلیو ڈبلیو سپر اسٹار جان سینا نے اس پر ایوارڈ جیتنے کے قابل ٹوئیٹ کرکے سوشل میڈیا کے ضرور دل جیت لیے۔
سولہ بار ڈبلیو ڈبلیو ای ورلڈ ہیوی ویٹ چیمپئن رہنے والے جان سینا نے آئی فون کے اس نئے فیچر پر اپنی ذات کو مذاق کا نشانہ بنایا۔
عام طور پر وہ رنگ میں کہتے رہتے ہیں ' You Can't See Me ' یعنی آپ مجھے نہیں دیکھ سکتے، بلکہ ان کا تھیم سانگ بھی اسی پر مبنی ہے، اور ٹوئیٹ میں بھی انہوں نے اسی ایپل کے اس نئے فیچر سے خود کو ممکنہ طور پر پیش آنے والے ' مسئلے' کا ذکر کیا۔
انہوں نے لکھا ' تو آئی فون ایکس فیس آئی ڈی پر مبنی ہے، اب میں کیا کروں؟'
جان سینا کی اس قہقہہ بار ٹوئیٹ پر سوشل میڈیا پر طوفان ہی آگیا جسے اب ایک لاکھ 80 ہزار سے زائد بار ری ٹوئیٹ جبکہ 2 لاکھ 82 ہزار سے زائد بار لائیک کیا جاچکا ہے جبکہ ہزاروں کمنٹس الگ ہیں۔
کچھ افراد نے تو اسٹار ریسلر کو ٹوئیٹ کیا ' وہ تم کو نہیں دیکھ سکتے جان'۔
اسی طرح کئی اور نے دلچسپ ردعمل ظاہر کیا۔
It took me a good few seconds to get the joke#YouCantSeeMe
...
مشہور ویب سائٹ وکی ہاﺅ نے تو جان سینا کو وہ طریقے بھی بتا دیئے جو لوگوں کو دیگر کی نظر میں نادیدہ ہونے سے بچانے میں مدد دے سکتے ہیں۔
اور ایک نے تو اسے ٹوئٹر کی تاریخ کا سب سے بہتر ٹوئیٹ قرار دے دیا۔
تحریر کے بارے میں اپنی رائے بھیجیں