راولپنڈی: جے یو آئی (ف) کے سربراہ مولانا فضل الرحمان نے کہا ہے کہ وہ 100 فیصد پرامید ہیں کہ ایم کیو ایم کے استعفے واپس لےلئے جائیں گے۔راولپنڈی میں لیفٹیننٹ جنرل ریٹائرڈ حمید گل کی وفات پران کے اہل خانہ سے تعزیت کے بعد میڈیا سے بات کرتے ہوئے مولانا فضل الرحمان نے کہا کہ ایم کیوایم نے واضح طورپرکہا ہے کہ وہ کراچی آپریشن کے خلاف نہیں، ایم کیو ایم کے رہنماؤں نے استعفوں کے معاملے میں بات چیت پررضامندی کا اظہارکیا ہے، اگرگزشتہ روزرشید گوڈیل پرقاتلانہ حملہ نہ ہوتا توآج ایم کیوایم اورحکومت کے درمیان مذاکرات ہوتے لیکن اب رشید گوڈیل کی صحت یابی کے بعد ہی ایم کیو ایم کے ارکان اسلام آباد آئیں گے اور حکومت ان کی جائز باتوں کو قبول کرے گی۔ واضح رہے کہ مولانا فضل الرحمان نے گزشتہ روزنائن زیرو پرایم کیو ایم کے رہنماؤں سے استعفے واپس لینے کے لئے مذاکرات کئے تھے۔
تحریر کے بارے میں اپنی رائے بھیجیں